歡迎啊喂！

發覺好多人都會有個自我介紹嘅 pinned post 喺 profile 置頂，好似都係整返個好啲。既有儀式感，亦好似真係會方便大家知道我係咩人。

Source

我係咩人？

一個普通個文科仔。間中睇下書、行下書店、睇下電影、睇下展覽，又覺得睇完唔寫下嘢好似一無所得咁，所以就揾個地方擺下自己啲後感隨思隨想咁。自覺唔係寫得好好，但希望會越寫越好。

Icon 係做咩事？

因為我睇書睇得好慢，又成日睇睇下走咗去打機盛，所以就諗住話將睇緊嘅書轉做 icon 督促下自己咁囉。所以如果我好耐冇轉 icon 就知我咩事了，笑。

會寫啲咩？

目前基本上就係「後感」同「雜文」兩類，（其實仲有啲主題諗咗會寫，不過我拖延症都唔知幾時先寫，講定先，笑。）雜文就係我戚起條筋自己想寫嘅嘢，而後感就係我睇完書、電影、展覽之後嘅少少感想。

最新文章（最後更新於 29/5/2022）

讀後感：《三生煙火，換一紙迷離：泉鏡花的幻想小說選集》—— 出版社改書名時有冇好好 google 下？

讀詩隨想：人遠天涯遠？心念起則天涯近 ——《善哉十行》周夢蝶

2021 年度總結

溝通 101：十大禁語（二）「我話咗㗎啦」

本地書店遊記（零）：序言書室 Hong Kong Reader —— 起點

文章目錄

後感系列

雜文系列

溝通 101 系列

本地書店遊記系列

多謝大家捧場！希望可以同各方友好多啲交流下～